సిరా న్యూస్,నిర్మల్;
నిర్మల్ జిల్లా బాసర సరస్వతి అమ్మవారి ఆలయంలో నేడు వసంత పంచమి ఉత్సవాలు అంగరంగ వైభవంగా జరుగుతున్నాయి. చదువుల తల్లి సరస్వతి అమ్మవారి జన్మదినం సందర్భంగా సరస్వతి అమ్మవారిని దర్శించుకునేందుకు వివిధ రాష్ట్రాల నుంచి భక్తులు భారీ సంఖ్యలో తరలివస్తున్నారు. భక్తులు భారీ సంఖ్యలో తరలి రావడంతో అమ్మవారి ఆలయమంతా కూడా సరస్వతీ నామ సర్వంతో మారుమోగుతుంది. భక్తులకు ఎలాంటి ఇబ్బందులు తలెత్తకుండా ఉండేందుకు అన్ని ఏర్పాట్లు పూర్తి చేశారు ఆలయ అధికారులు. రాత్రి మూడు గంటల నుంచి భక్తులు అమ్మవారిని దర్శించుకునేందుకు క్యూ కడుతున్నారు.సరస్వతి అమ్మవారి జన్మదినం సందర్భంగా ఆలయంలో ఉదయం నుంచి ప్రత్యేక పూజలు అభిషేకాలు నిర్వహిస్తున్నారు అర్చకులు. అమ్మవారి జన్మదినం రోజు పిల్లలకు అక్షరాభ్యాసాలు చేస్తే మంచి భవిష్యత్తు ఉంటుందని భక్తుల నమ్మకం. దీంతో అమ్మవారి సన్నిధిలో భారీగా అక్షర అభ్యాసాలు జరుగుతున్నాయి.