సిరా న్యూస్, ఆదిలాబాద్:
ఆదిలాబాద్ జిల్లా జైనథ్ మండలంలోని అతి ప్రాచీన శ్రీ లక్ష్మీ నారాయణ స్వామి ఆలయంలో స్వామి వారి కల్యాణోత్సవ వేడుకలను వైభవంగా నిర్వహించారు. ఈ సందర్భంగా ఆలయంలో ఉదయం నుండి ప్రత్యేక పూజలు నిర్వహించారు. రాత్రి సతీసమేతుడైన స్వామివారి ఉత్సవ విగ్రహాలకు నూతన వస్త్రాభరణాలను అలంకరించి మండపంలో ప్రతిష్టించారు. వేల సంఖ్యలో హాజరైన భక్తులు చూస్తుండగా వేదమంత్రాలు, భాజ భజంత్త్రీల నడుమ కళ్యాణ ఉత్సవ వేడుకలను అంగరంగ వైభవంగా నిర్వహించారు.