సిరా న్యూస్, అనంతపురం
రాష్ట్రస్థాయి జర్నలిస్టు క్రికెట్ పోటీలు నిర్వహించడం అభినందనీయం
* పురపాలక శాఖ ప్రత్యేక ప్రధాన కార్యదర్శి వై శ్రీలక్ష్మి
* క్రికెట్ పోస్టర్ ఆవిష్క‌ర‌ణ
రాష్ట్రస్థాయి జర్నలిస్టు క్రికెట్ పోటీలు నిర్వహించడం అభినందనీయమని పురపాలక శాఖ ప్రత్యేక ప్రధాన కార్యదర్శి వై శ్రీలక్ష్మి అన్నారు. ఈ సంద‌ర్భంగా అనంతపురంలో మంగ‌ళ‌వారం ఆంధ్రప్రదేశ్ వర్కింగ్ జర్నలిస్ట్ యూనియన్ ఆధ్వర్యంలో ఈనెల 26వ తేదీ నుంచి జరిగే రాష్ట్రస్థాయి క్రికెట్ టోర్నమెంట్ కు సంబంధించిన పోస్టర్లను వై శ్రీలక్ష్మి ఆవిష్కరించారు. అనంత‌రం ఆమె మాట్లాడుతూ అనంతపురంలో రాష్ట్రస్థాయి జర్నలిస్టుల క్రికెట్ టోర్నమెంట్లో వర్కింగ్ జర్నలిస్టులందరూ పాల్గొని ఐకమత్యంతో ముందుకెళ్లాలని అన్నారు. రాష్ట్రస్థాయి జర్నలిస్టు క్రికెట్ పోటీలు నిర్వహించడం అభినందనీయమని, ఇందుకోసం కృషి చేసిన ఆంధ్రప్రదేశ్ వర్కింగ్ జర్నలిస్ట్ యూనియన్ ని అభినందిస్తున్నానని తెలిపారు. మచ్చ రామలింగారెడ్డి జర్నలిస్టుల కోసం ఏర్పాటుచేసిన ఈ టోర్నమెంట్ విజయవంతం కావాలని ఆకాంక్షించారు. నిత్యం పని ఒత్తిడితో ఉన్న వర్కింగ్ జర్నలిస్టులకు రాష్ట్రంలో తొలిసారిగా జిల్లాలలో ఉన్న వర్కింగ్ జర్నలిస్టులందరికీ టోర్నమెంట్ నిర్వహించడం ఒక రికార్డ్ పేర్కొన్నారు.వర్కింగ్ జర్నలిస్టులందరూ పాల్గొని విజయవంతం చేయాలని, ఈ టోర్నీ జర్నలిస్టుల ఆటవిడుపుకి కూడా ఉపయోగపడుతుందని ఆశాభావం వ్యక్తం చేశారు. కార్యక్రమంలో సీనియర్ జర్నలిస్ట్ తిరుపతి నగేష్ , డి రాజగోపాల్ , అనంతపురం జిల్లా అధ్యక్షులు వెంకటేష్ తిరుపతి జిల్లా నాయకుడు వెంకటేష్ ఇతర సీనియర్ జర్నలిస్టులు పాల్గొన్నారు