సిరా న్యూస్, చిగురుమామిడి:
మాదిగ జాగృతి ఆధ్వర్యంలో సంత్ రవిదాస్ జయంతి వేడుకలు…
కరీంనగర్ జిల్లా కేంద్రంలోని కోర్టు చౌరస్తాలో మాదిగ జాగృతి సంఘం ఆధ్వర్యంలో సంత్ రవిదాస్
647వ జయంతి వేడుకలను ఘనంగా నిర్వహించారు. శనివారం రాత్రి ఈ మేరకు కొవ్వొత్తులతో ర్యాలీ నిర్వహించారు. అనంతరం పలువురు మాట్లాడుతూ… ఉత్తర భారతదేశంలో అట్టడుగు వర్గాలు అధికారంలోకి రావడానికి సంత్ రవిదాస్ నడిపించిన సాంస్కృతిక, ఆధ్యాత్మిక ఉద్యమమే కారణమని అన్నారు. సంత్ రవిదాస్ స్ఫూర్తితోనే మాదిగ జాగృతి సంఘం పనిచేస్తుందని సూచించారు. ప్రతి ఒక్కరు సంత్ రవిదాస్ ను ఆదర్శంగా తీసుకొని హక్కుల కోసం పోరాడాలని అన్నార. ఈ కార్యక్రమంలో మాదిగ జాగృతి కరీంనగర్ జిల్లా అధ్యక్షుడు అందే సాగర్, జంగా అంజన్ బాబు, సంపత్ రమేష్, బెజ్జంకి రవీందర్, డీఎస్పీ నాయకులు తాళ్ళ నరేష్, ఆరెల్లి బాబు, సురేష్, నాగరాజు తదితరులు పాల్గొన్నారు.