సిరా న్యూస్ , భీమదేవరపల్లి
రికార్డుల్లో నమోదు చేయాలి
* మండల వ్యవసాయ అధికారి ఆఫజల్ పాషా
* ఎరువుల గోదాముల్లో ఆకస్మిక తనిఖీ
ఫర్టిలైజర్ ఇన్వెంటరీ వెరిఫికేషన్ యాప్ లో ఎంట్రీ చేసిన విధంగా రికార్డుల్లో కూడా నమోదు చేయాలని మండల వ్యవసాయ అధికారి ఆఫజల్ పాషా అన్నారు. సోమవారం భీమదేవరపల్లి మండలం మల్లారం గ్రామంలోని ముల్కనూర్ కోపరేటివ్ రూరల్ బ్యాంక్ గోదాంలో ఎరువుల నిల్వలపై ఆయన ఆకస్మిక తనిఖీలు నిర్వహించారు. ఈ సందర్భంగా ఆయన మాట్లాడుతూ ఎరువుల గోదాముల్లో ఈపాస్ మిషన్ ద్వారా ఎరువుల నిల్వలను ఎప్పటికప్పుడు నమోదు చేయాలన్నారు .మండలంలో ప్రస్తుతం ఎలాంటి ఎరువుల కొరత లేదని వెల్లడించారు. అనంతరం గోదాంలో ఎరువుల నిల్వల రికార్డులను పరిశీలించారు. కార్యక్రమంలో మల్లారం గోదాం కీపర్ రాజ, కొమురయ్య తదితరులు పాల్గొన్నారు.