సిరా న్యూస్, జైనథ్:
పార్డి లో ఘనంగా బిజెపి ఆవిర్భావ దినోత్సవ వేడుకలు
+ పార్టీ జెండా ఆవిష్కరించిన అస్తక్ సుభాష్
+ బూత్ కమిటీ సభ్యులతో బైటక్
ఆదిలాబాద్ జిల్లా జైనథ్ మండలంలోని పార్డి గ్రామంలో బిజెపి దళిత మోర్చా జిల్లా అధ్యక్షులు అస్తక్ సుభాష్ ఆధ్వర్యంలో, బిజెపి ఆవిర్భావ దినోత్సవ వేడుకలను ఘనంగా నిర్వహించారు. శనివారం ఈ మేరకు ఆయన బూత్ కమిటీ సభ్యులతో కలిసి పార్టీ జెండాను ఆవిష్కరించారు. అనంతరం నాయకులతో కలిసి బైటక్ నిర్వహించారు. కార్యకర్తలు తమ తమ ఇండ్ల నుండి తెచ్చుకున్న ఫలహారాన్ని కలిసికట్టుగా తింటూ, పలు అంశాల గురించి చర్చించారు. రానున్న పార్లమెంట్ ఎన్నికల్లో కార్యకర్తలంతా పార్టీ గెలుపే లక్ష్యంగా సైనికుల్లా పనిచేయాలని అస్తక్ సుభాష్ సూచించారు. ఈ కార్యక్రమంలో పోతురాజు రమేష్, గోపతి గోవర్ధన్, రాజు ఆడేల్లు, తదితరులు పాల్గొన్నారు.