సిరా న్యూస్, ఉట్నూర్:
ఇఫ్తార్ విందులో పాల్గొన్న ఎమ్మెల్యే వెడ్మ బొజ్జు పటేల్...
ఆదిలాబాద్ జిల్లా ఉట్నూర్ మండల కేంద్రంలోని గ్రామపంచాయతీ కార్యాలయం ఎదుట ప్రముఖ పాత్రికేయులు సయ్యద్ కరీం ఆద్వర్యంలో ఆదివారం నిర్వహించిన ఇఫ్తార్ విందు కార్యక్రమానికి ఖానాపూర్ ఎమ్మెల్యే వెడ్మ బొజ్జు పటేల్ హాజరయ్యారు. ఈ సందర్భంగా ముందుగా ముస్లీం సహోదరులతో కలిసి ప్రత్యేక ప్రార్థనలు చేసారు. ఖర్జూరాలు తినిపించి ఉపవాస దీక్షలను విరమింప చేశారు. ఈ సందర్భంగా ఎమ్మెల్యే వెడ్మ బొజ్జు పటేల్ మాట్లాడుతూ… మైనార్టీల సంక్షేమానికి కాంగ్రెస్ పార్టీ పెద్దపీట వేస్తుందని అన్నారు. ఈ కార్యక్రమంలో టీపిసిసి రాష్ట్ర ప్రధాన కార్యదర్శి సత్తు మల్లేష్, కాంగ్రెస్ నాయకులు ఆత్రం భాస్కర్, మండల ప్రముఖులు, పార్టీల నేతలు పాల్గొన్నారు.