సిరా న్యూస్, అదిలాబాద్:
ఎమ్మెల్యే పాయల్ శంకర్ ను సన్మానించిన అంగన్వాడీ టీచర్లు..
ఆదిలాబాద్ ఎమ్మెల్యే పాయల్ శంకర్ ను అంగన్వాడీ కార్యకర్తలు ఘనంగా సన్మానించారు. సోమవారం ఆదిలాబాద్ జిల్లా జైనథ్ మండలం నిరాల గ్రామంలో ఏర్పాటు చేసిన కార్యక్రమంలో, ఈ మేరకు పూల బొకేలు, శాలువాలతో జైనథ్ ప్రాజెక్ట్ అంగన్వాడీ టీచర్లు ఎమ్మెల్యే పాయల్ శంకర్ ను సన్మానించారు. అంగన్వాడి కేంద్రాల్లో వసతుల లేమి, భవనాల కొరత ఇతరత్రా సమస్యలను గురించి ఆయనకు విన్నవించారు. సానుకూలంగా స్పందించిన ఎమ్మెల్యే, అంగన్వాడి కేంద్రాల్లో సమస్యల పరిష్కారానికి కృషి చేస్తానని అన్నారు. ఈ కార్యక్రమంలో అంగన్వాడి టీచర్ల సంఘం మండల అధ్యక్షురాలు సునంద, ఇతర అంగన్వాడి టీచర్లు పాల్గొన్నారు.