సిరాన్యూస్, ఇంద్రవెల్లి
గణనాథులను దర్శించుకున్న ఖానాపూర్ ఎమ్మెల్యే వెడ్మ బొజ్జు పటేల్
ఆదిలాబాద్ జిల్లా ఇంద్రవెల్లి మండల కేంద్రంలోని ప్రధాన్ గూడా,గోండుగూడా,సార్వజనీక్, భీంనగర్,సోనార్ గల్లీ, హనుమాన్ నగర్ తదితర కాలనీలో గణేష్ మండలి ఆధ్వర్యంలో ఏర్పాటు చేసిన గణనాథులను సోమవారం ఖానాపూర్ నియోజవర్గ శాసనసభ్యులు వెడ్మ బొజ్జు పటేల్ దర్శించుకున్నారు.ఈ సందర్భంగా ప్రత్యేక పూజలు చేశారు.ప్రజలంతా ఆయుఆరోగ్యాలతో సుఖసంతోషాలతో ఉండాలని, పాడిపంటలు బాగా ఉండాలని వేడుకున్నారు.ఈ సందర్భంగా ఏర్పాటు చేసిన సమావేశంలో పాల్గొని మాట్లాడారు.రాష్ట్ర ప్రభుత్వం గణేష్ మండపాలకు ఉచిత కరెంటును అందిస్తుందని పేర్కొన్నారు.ఈ సందర్బంగా పలు కాలనీలలో గణేష్ మండలి సభ్యులు ఎమ్మెల్యే వెడ్మ బొజ్జు పటేల్ని శాలువాతో సత్కరించారు.అనంతరం ఎమ్మెల్యే స్థానికులతో కలసి భోజనం చేశారు.ఈ కార్యక్రమంలో కాలనీ పెద్దలు,మహిళలు,యూత్ సభ్యులు తదితరులు ఉన్నారు.