సిరాన్యూస్, జన్నారం
పేదల సంక్షేమానికి పెద్దపీట: ఎమ్మెల్యే వెడ్మ బొజ్జు పటేల్
* కళ్యాణ లక్ష్మి-షాదీ ముబారక్ చెక్కులను పంపిణీ
రాష్ట్ర ప్రభుత్వం పేదల సంక్షేమానికి పెద్దపీట వేస్తుందని, పేదింటి ఆడపడుచులకు కళ్యాణ లక్ష్మి-షాదీ ముబారక్ పథకం వరమని ఖానాపూర్ శాసనసభ్యులు వెడ్మ బొజ్జు పటేల్ అన్నారు. బుధవారం మంచిర్యాల జిల్లా జన్నారం మండల కేంద్రంలోని ఎంపీడీఓ కార్యాలయంలో కళ్యాణ లక్ష్మి-షాదీ ముబారక్ 45 చెక్కులను లబ్ధిదారులకు పంపిణీ చేశారు.ఈ సందర్బంగా ఎమ్మెల్యే మాట్లాడుతూ ఈ పథకం పేద కుటుంబాలకు ఆర్థికంగా ఎంతో దోహద పడుతుందన్నారు.త్వరలో రాష్ట్ర ప్రభుత్వం లక్ష రూపాయలతో పాటు తులం బంగారం అందజేస్తుందని తెలిపారు. పేదల సంక్షేమమే రాష్ట్ర ప్రభుత్వం ధ్యేయమన్నారు.ఈ కార్యక్రమంలో అధికారులు,కాంగ్రెస్ పార్టీ నాయకులు తదితరులు పాల్గొన్నారు.