సిరాన్యూస్, జన్నారం
పర్యావరణ పరిరక్షణకు కృషి చేయాలి : ఎమ్మెల్యే వెడ్మ బొజ్జు పటేల్
* జ‌న్నారంలో ప్రపంచ వెదురు దినోత్సవ వేడుకలు
వెదురు అనేక ఔషాద గుణాలు కలిగి ఉందని, పర్యావరణ పరిరక్షణకు ఎంతో ఉపయోగపడుతుందని ఖానాపూర్ ఎమ్మెల్యే వేడ్మ బొజ్జు పటేల్ అన్నారు.బుధవారం జన్నారం మండల కేంద్రంలోని మహేంద్ర సంఘ భవనంలో ప్రపంచ వెదురు దినోత్సవ వేడుకలలో ముఖ్య అథితిగా పాల్గొన్నారు.ఈ సందర్బంగా ఎమ్మెల్యే మాట్లాడుతూ కలప నిర్మాణంతో పాటు పేపర్ తయారిలో అదే విధంగా అనేక రకాలుగా వెదురును నిత్య జీవితంలో వాడటం జరుగుతుందని తెలిపారు. బంజరు భూముల్లో వెదురు చెట్లను నాటడం ద్వారా అనేక ప్రయోజనాలు ఉంటాయని పేర్కొన్నారు. వెదురు అనేక పోషకాలను కలిగి ఉంటుందని,మానవ నిరోధక శక్తిని మెరుగుపరుస్తుందని పేర్కొన్నారు. ప్రతి ఒక్కరూ వెదురును సాగు చేయాలని సూచించారు.ఈ కార్యక్రమంలో ఫారెస్ట్ అధికారులు, గ్రామస్తులు తదితరులు పాల్గొన్నారు.