సిరాన్యూస్, గుడిహత్నూర్
గుడిహత్నూర్‌లో ఆర్టీసీ కార్గో సేవలు ప్రారంభం :కార్గో మేనేజర్ బి. పాల్
గుడిహత్నూర్ మండల కేంద్రంలోనీ ఆర్టీసీ బస్టాండ్ పక్కన గురువారం టీజీఆర్టీసీ కార్గో సర్వీసు సేవలను అదిలాబాద్, నిజామాబాద్ కార్గో మేనేజర్ బి. పాల్ రిబ్బన్ కట్ చేసి ప్రారంభించారు. ఈ సందర్భంగా ఆయన మాట్లాడుతూ వినియోగదారులకు మరింత వేగంగా భద్రంగా సరుకులు రవాణా చేయడానికి కార్గో విభాగం అన్ని చర్యలు తీసుకుంటుందని తెలిపారు. గృహ అవసరాలు, వ్యాపార అభివృద్ధికి ప్రజలు కార్గో సేవలను వినియోగించుకోవాలని ఆయన సూచించారు. కార్య‌క్ర‌మంలో కంట్రోలర్ భాగ్యలక్ష్మి, కార్గో మార్కెటింగ్ సేల్స్ టీం సభ్యులు సాయన్న, కార్గో అదిలాబాద్ డిపో మార్కెటింగ్ సభ్యులు అబ్దుల్ అన్సర్, గుడిహత్నూర్ కార్గో ఏజెంట్ నాగుల సతీష్, బీఆర్ఎస్ మండల మైనారిటీ నాయకుడు గౌస్, గ్రామస్తులు తదితరులు పాల్గొన్నారు.