సిరాన్యూస్, కళ్యాణదుర్గం
పిచ్చి మొక్కల తొలగింపు: జనసేన జిల్లా ప్రధాన కార్యదర్శి లక్ష్మీ నరసయ్య
ప‌రిస‌రాల‌ను ప‌రిశుభ్రంగా ఉంచుకోవాల‌ని జనసేన జిల్లా ప్రధాన కార్యదర్శి లక్ష్మీ నరసయ్య అన్నారు. శుక్రవారం కళ్యాణదుర్గం ప్రభుత్వ ఆసుపత్రి ఆవరణలో ఏపుగా పెరిగిన పిచ్చి మొక్క‌ల‌ను, చెత్తాచెదారాన్ని తొల‌గించారు. ఈసంద‌ర్బంగా జనసేన జిల్లా ప్రధాన కార్యదర్శి లక్ష్మీ నరసయ్య మాట్లాడుతూ ప్రభుత్వ ఆసుపత్రి ఆవరణలో పిచ్చి మొక్కలు పెరిగి, చెత్త పేరుకుపోవడంతో రోగులు తీవ్ర అసౌకర్యానికి గురి అవుతున్నారని భావించి, ఎమ్మెల్యే సురేంద్రబాబు సూచనలతో జేసీబీ యంత్రంతో తొలగించామ‌న్నారు. ఆరోగ్యాన్ని కాపాడాల్సిసిన ప్రాథమిక ఆరోగ్య కేంద్రం ఆవరణం అనారోగ్యాన్ని పంచుతోందని, అపరిశుభ్రతను తొలగించినట్లు తెలిపారు. కార్య‌క్ర‌మంలో ఆస్ప‌త్రి సిబ్బంది, పారిశుధ్య కార్మికులు పాల్గొన్నారు.