వేట కొడవలితో వ్యక్తిపై దాడి కేసు నమోదు

వివాహేతర సంబంధాలే కారణముంటున్న పోలీసులు
సిరా న్యూస్,పులివెందుల;
లింగాల మండలం తాతిరెడ్డి పల్లె గ్రామంలో వెన్నపూస నారాయణరెడ్డి అనే వ్యక్తి ఆకుల లక్ష్మీనారాయణ (52) పై ఆదివారం రాత్రి 8 గంటల ప్రాంతంలో వేటకులవలతో దాడి చేసి గాయపరిచారు. విషయం తెలుసుకున్న పోలీసులు ఘటనా స్థలానికి వెళ్లి తీవ్రంగా గాయపడిన లక్ష్మీనారాయణ హుటా హుటిన పులివెందుల ఆసుపత్రికి తరలించి చికిత్స నిర్వహించారు.
పోలీసుల కథనం మేరకు వివరాలు ఈ విధంగా ఉన్నాయి. గత కొన్ని రోజుల క్రితం వెన్నపూస నారాయణరెడ్డి లక్ష్మీనారాయణ ఇంటిలోని మహిళలతో అసభ్యకరంగా వ్యవహరించడంతో కేసు నమోదు చేయించారు. దీనిని మనసులో పెట్టుకున్న నారాయణరెడ్డి ఆదివారం లక్ష్మీనారాయణ తన ఇంటి బయట కూర్చుండడం చూసి వేట కొడవలితో దాడి చేసి తలకు తీవ్ర గాయం చేశారు దీంతో లక్ష్మీనారాయణ స్పృహ తప్పి పడిపోయాడని పోలీసులు తెలిపారు. లక్ష్మీనారాయణ కుటుంబ సభ్యుల ఫిర్యాదు మేరకు నారాయణరెడ్డి పై కేసు నమోదు చేసి దర్యాప్తు చేస్తున్నామని పోలీసులు తెలిపారు..