సిరా న్యూస్, ఆదిలాబాద్‌
గిమ్మ ఎక్స్‌ రోడ్‌ వద్ద రెండు బైక్‌ లు ఢీ…
+ ఇద్దరికి తీవ్ర గాయాలు
+ కేసు నమోదు చేసిన పోలీసులు
ఆదిలాబాద్‌ జిల్లా జైనథ్‌ మండలంలోని గిమ్మ ఎక్స్‌ రోడ్‌ సమీపంలో గురువారం ఘోర రోడ్డు ప్రమాదం జరిగింది. ఎదురెదురుగా రెండు బైక్‌లు ఢీకొనడంతో ఇద్దరికి తీవ్ర గాయాలయ్యాయి. వివరాల్లోకి వెళితే… ఆదిలాబాద్‌ పట్టణానికి చెందిన గఫర్‌ మహారాష్ట్ర బోరిలో పనిచేస్తున్నాడు. పనులు ముగించు కొని మహారాష్ట్ర నుండి ఆదిలాబాద్‌కు తన బైక్‌పై తిరుగు ప్రయాణమయ్యాడు. ఈ క్రమంలో గిమ్మ ఎక్స్‌ రోడ్‌ సమీపానికి చేరుకోగానే, మహారాష్ట్రలోని నాందేడ్‌కు చెందిన నరేష్‌ ఎదురుగా రాంగ్‌ రూట్లో బైక్‌పై వచ్చి ఢీకొన్నాడు. దీంతో ఇద్దరికి తీవ్ర రక్తగాయాలయ్యాయి. గమనించిన స్థానికులు ఇద్దరికి చికిత్స కోసం ఆదిలాబాద్‌ జిల్లా కేంద్రంలోని రిమ్స్‌కి తరలించారు. మేరకు కేసు నమోదు చేసుకొని దర్యాప్తు ప్రారంభించినట్లు జైనథ్‌ ఎస్సై పురుషోత్తం తెలిపారు.
