సిరా న్యూస్, డిజిటల్:
టీపీసీసీ వర్కింగ్ ప్రెసిడెంట్ ను కలిసిన అడ్డి భోజా రెడ్డి…
ఆదిలాబాద్ డిసిసిబి బ్యాంక్ చైర్మన్ అడ్డి భోజా రెడ్డి, టీపీసీసీ వర్కింగ్ ప్రెసిడెంట్, ఎమ్మెల్సీ మహేష్ కుమార్ గౌడ్ ను హైదరాబాద్ గాంధీభవన్ లోని ఆయన చాంబర్ లో మర్యాదపూర్వకంగా కలుసుకున్నారు. ఈ సందర్భంగా ఆయన్ను పూలమాల, శాలువాలతో సన్మానించారు. ఆదిలాబాద్ లో కాంగ్రెస్ పార్టీ బలపడుతున్న తీరు, పార్టీలో వివిధ పార్టీల నుండి చేరికల గురించి వివరించారు. క్షేత్రస్థాయి నుండి పార్టీని బలోపేతం చేయడమే లక్ష్యంగా పనిచేస్తున్నట్లు ఆయనకు తెలిపారు. ఈ సందర్భంగా మహేష్ కుమార్ గౌడ్ వచ్చే పార్లమెంట్ ఎన్నికలు, పార్టీ పటిష్టత, తదితర అంశాల గురించి ఆయనకు పలు సూచనలు అందించినట్లు అడ్డి బోజారెడ్డి తెలిపారు. ఆయన వెంట కాంగ్రెస్ నాయకులు కేతిరెడ్డి సురేందర్ రెడ్డి, సామ రూపేష్ రెడ్డి, ఇతరులు ఉన్నారు.