సిరాన్యూస్, ఆదిలాబాద్
ఛ‌త్ర‌ప‌తి శివాజీ మ‌హారాజ్ ను యువ‌త ఆద‌ర్శంగా తీసుకోవాలి
* డీసీసీబీ చైర్మ‌న్‌ అడ్డి భోజారెడ్డి
* కాంగ్రెస్ పార్టీ ఆధ్వ‌ర్యంలో ఛ‌త్ర‌ప‌తి శివాజీ మ‌హారాజ్ జయంతి వేడుకలు
ఛ‌త్ర‌ప‌తి శివాజీ మ‌హారాజ్ ను యువ‌త ఆద‌ర్శంగా తీసుకోవాలని డీసీసీబీ చైర్మ‌న్‌ అడ్డి భోజారెడ్డి అన్నారు. సోమ‌వారం మ‌హావీరుడు ఛ‌త్ర‌ప‌తి శివాజీ మ‌హారాజ్ జయంతి వేడుకలను కాంగ్రెస్ నాయకులు ఘనంగా నిర్వహించారు.ఆదిలాబాద్ ప‌ట్ట‌ణంలోని శివాజీ చౌక్ లో గ‌ల విగ్రహానికి డీసీసీబీ అడ్డి భోజారెడ్డి తో పాటు ఇత‌ర ముఖ్య నాయకులు పూలమాలలు వేసి ఘ‌న నివాళులు అర్పించారు. దేశానికి ఆయ‌న చేసిన సేవ‌ల‌ను గుర్తు చేసుకున్నారు. యుద్ధతంత్రాలలో మాత్రమే కాకుండా పరిపాలనా విధానంలో కూడా శివాజీ భారతదేశ రాజులలో అగ్రగణ్యుడ‌ని కొనియాడారు.అనంత‌రం ర‌ణ‌దివేన‌గ‌ర్ లోని శివాజీ విగ్రహానికి కూడా పూలమాలలు వేసి నివాళ్లు అర్పించారు. కార్య‌క్ర‌మంలో మాజీ డీసీసీబీ అధ్యక్షులు ముడుపు దామోదర్ రెడ్డి, జైనథ్ జడ్పీటీసీ తుమ్మల అరుంధతి – వెంకట్ రెడ్డి,పట్టణ అధ్యక్షులు గుడిపెల్లి నగేష్, మాజీ ఎంపీపీ మంచికట్ల ఆశమ్మ, యూత్ కాంగ్రెస్ అసెంబ్లీ ప్రధాన కార్యదర్శి సామ రూపేష్ రెడ్డి, కాంగ్రెస్ సీనియర్ నాయకులు గిమ్మ సంతోష్, బాయిన్ వార్ గంగా రెడ్డి, భరత్ వాగ్మరే, చంద్రాల్ రాహుల్, తమ్మల చందు, కోరేటి కిషన్, డేరా కృష్ణ రెడ్డి, ఎం. ఏ షకీల్, రఫీక్, ప్రభాకర్, ఎల్మ రామ్ రెడ్డి, ఆడే విట్టల్, రాజా లింగన్న,చంద్రకాంత్ రెడ్డి, రాహుల్, ప్రకాష్ రెడ్డి, అశోక్, రామన్న తదితరులు పాల్గొన్నారు.