సిరా న్యూస్, బోథ్:
ఫిబ్రవరి 1న కార్యకర్తల సమావేశం
ఫిబ్రవరి 1న ఆదిలాబాద్‌ జిల్లా బోథ్ నియోజక వర్గ కాంగ్రెస్‌ పార్టీ కార్యకర్తల సమావేశం నిర్వహించనున్నట్లు, ఆ పార్టీ నియోజకవర్గ ఇన్చార్జి ఆడే గజేందర్‌ తెలిపారు. ఇచ్చోడ మండల కేంద్రంలోని షార్ప్‌ గార్డెన్లో ఆదివారం ఉదయం నిర్వహించే ఈ సమావేశానికి జిల్లా ఇన్చార్జి మంత్రి అనసూయ సీతక్క, ఖానాపూర్‌ ఎమ్మెల్యే వెడ్మా బొజ్జు పటేల్, ఆదిలాబాద్‌ కాంగ్రెస్‌ పార్టీ ఎంపీ అభ్యర్థి ఆత్రం సుగుణ, పార్టీ ప్రధాన కార్యదర్శి సత్తు మల్లేష్, డిసిసిబి చైర్మన్‌ అడ్డి భోజారెడ్డి, తదితరులు హాజరు కానున్నట్లు పేర్కొన్నారు. పార్టీ కార్యకర్తలు, నాయకులు పెద్ద ఎత్తున హాజరై సమావేశాన్ని విజయవంతం చేయాలని ఆయన కోరారు.