సిరా న్యూస్, ఆదిలాబాద్:
కాంగ్రెస్ లో చేరిన సీనియర్ న్యాయవాది బండారి గంగారెడ్డి…
ప్రముఖ సీనియర్ న్యాయవాది బండారి గంగారెడ్డి కాంగ్రెస్ పార్టీ తీర్థం పుచ్చుకున్నారు. శుక్రవారం ఈ మేరకు కాంగ్రెస్ పార్టీ ఆదిలాబాద్ నియోజకవర్గ ఇన్చార్జ్ కంది శ్రీనివాస్ రెడ్డి ఆధ్వర్యంలో ఆయన పార్టీలో చేరారు. ఈ సందర్భంగా జిల్లా కేంద్రంలోని ప్రజాసేవ భవన్ లో నిర్వహించిన కార్యక్రమంలో కంది శ్రీనివాస రెడ్డి ఆయనకు కాంగ్రెస్ కండువా కప్పి పార్టీలోకి సాదరంగా ఆహ్వానించారు. ఈ కార్యక్రమంలో డీసీసీబీ డైరెక్టర్ బాలూరి గోవర్ధన్ రెడ్డి, మాజీ ఎంపీపీ మంచికట్ల ఆశమ్మ, మాజీ మున్సిపల్ చైర్మన్ దిగంబర్ రావు పటేల్, మైనారిటీ నాయకులు ఎం.ఏ షకీల్, మొహమ్మద్ రఫీక్, మాజీ మున్సిపల్ వైస్ చైర్మన్ కందుల సుకేందర్, గూడ సర్పంచ్ ప్రభాకర్, నాయకులు ఖలీల్, సయ్యద్ షాహిద్ అలీ, రామ్ రెడ్డి, పోతన్న, ఇతర నాయకులు, కార్యకర్తలు పాల్గొన్నారు.