సిరా న్యూస్, చిగురుమామిడి:
అమిత్ షా సభను విజయవంతం చేయాలి
-కోమటిరెడ్డి రాంగోపాల్ రెడ్డి
కరీంనగర్ జిల్లా చిగురుమామిడి మండలంలో ఈ నెల 12 న కేంద్ర హోంశాఖ మంత్రి అమిత్ షా హాజరుకానున్న విజయ సంకల్ప సమ్మేళన కార్యక్రమాన్ని విజయవంతం చేయాలని బిజెపి రాష్ట్ర కార్యవర్గ సభ్యులు కోమటిరెడ్డి రాంగోపాల్ రెడ్డి పిలుపునిచ్చారు. శనివారం మండలంలోని బొమ్మనపల్లి గ్రామంలో పార్టీ మండల స్థాయి కార్యవర్గ సమావేశాననికి ఆయన ముఖ్య అతిథిగా హాజరయ్యారు. అమిత్ షా కార్యక్రమం విజయవంతం కోసం కార్యకర్తలంతా సిద్ధం కావాలన్నారు. కేంద్ర ప్రభుత్వం ప్రతిష్టాత్మకంగా అమలు చేస్తున్న పలు ప్రజా సంక్షేమ పథకాలను వివరించారు. కేంద్ర ప్రభుత్వ పథకాలను ప్రజల్లోకి తీసుకెళ్లాలని ఆయన సూచించారు. విశ్వకర్మ యోజన పథకం విధివిధానాలు, లబ్ధిదారుల ఎంపిక, తదితర అంశాలను గురించి ప్రజల్లో అవగాహన పెంచాలని ఆయన అన్నారు. ఈ కార్యక్రమంలో పార్టీ మండల అధ్యక్షులు పైడిపల్లి శ్రీనివాస్, జిల్లా కార్యవర్గ సభ్యులు మురళీ మనోహర్, నాయకులు గొల్లపల్లి సదాచారి, అచ్చ రవీందర్, కంది శంకర్, రమకాంత్ రెడ్డి, మామిడి రమేష్, బండి సందీప్, ఆరెళ్ళ శ్రీనివాస్, మాచ మల్ల బుజ్జన్న, తదితరులు పాల్గొన్నారు.