సిరాన్యూస్, గుడిహత్నూర్
ఆర్టీసీ బస్సు ఎక్కిన ఎమ్మెల్యే అనిల్ జాదవ్
* సమస్యలు తెలుసుకున్న ఎమ్మెల్యే
* గుడిహత్నూర్ బస్టాండ్ సంద‌ర్శ‌న
ఆదిలాబాద్ జిల్లా తాంసి మండల పర్యటనకు వెళ్తున్న బోథ్ ఎమ్మెల్యే అనిల్ జాదవ్ శ‌నివారం మార్గ మధ్యలో గుడిహత్నూర్ మండల కేంద్రంలోని ఆర్టీసీ బ‌స్సును ఎక్కారు. ఈసంద‌ర్భంగా బస్సులోని ప్రయాణికులతో ముచ్చటించారు. బస్సులో ఉన్న విద్యార్థులతో మాట్లాడి వారి సమస్యలు అడిగి తెలుసుకున్నారు. అనంతరం గుడిహత్నూర్ ఆర్టీసీ బ‌స్టాండ్‌ను సంద‌ర్శించారు. అక్కడ నెలకొన్న సమస్యలపై ఆర్టీసీ డీఎంతో మాట్లాడారు. బస్టాండ్ ఆవరణలో ఉన్న చిరు వ్యాపారులను పలకరించారు. పలుపురు మహిళలు ఎమ్మెల్యే తో మాట్లాడుతూ అయ్యా ఫ్రీ టికెట్టుతో లొల్లి తప్ప లాభం లేదు సారు అని వాపోయారు. బస్సులో ఎక్కి సమస్యలు తెలుసుకుంటూ తమతో ముచ్చటించినందుకు ప్రయానికులు హర్షం వ్యక్తం చేశారు. మాతో కలిసి మాల ఉండే ఎమ్మెల్యే అనిల్ జాదవ్ మాకు దొరకడం అదృష్టమన్నారు. అనంతరం సాధారణ వ్యక్తిలా బస్టాండ్ లో ఉన్న ప్రయాణికులతో కలిసి టీ తాగుతూ సమస్యలు తెలుసుకొని, సంబంధిత అధికారులతో మాట్లాడి సమస్యలను పరిష్కరించాలని కోరారు. వీరి వెంట బోథ్ నియోజకవర్గ నాయకులు పాల్గొన్నారు.