సిరాన్యూస్, జైనథ్
భోర‌జ్ భారత్ పెట్రోలియం పెట్రోల్ బంక్‌లో ఉచిత కంటి వైద్య శిబిరం
ఆదిలాబాద్ జిల్లా జైనథ్ మండ‌లంలోని భోర‌జ్ భారత్ పెట్రోలియం పెట్రోల్ బంక్‌లో బుధ‌వారం ఉచిత కంటి వైద్య శిబిరాన్ని నిర్వ‌హించారు. ఈసంద‌ర్బంగా బంక్ ఆపరేటర్ రాసం నవీన్ మాట్లాడుతూ ఘర్ ఉత్సవ్ లో బాగంగా భారత్ పెట్రోలియం పెట్రోల్ పంపు ఆధ్వ‌ర్యంలో ఉచిత కంటి వైద్య శిబిరం నిర్వహించామ‌ని తెలిపారు. ఎల్‌వీ ప్రసాద్ కంటి ఆసుపత్రి ఆదిలాబాద్ నుండి కంటి వైద్యులను ఆహ్వానించామని తెలిపారు. చుట్టు పక్కల గ్రామాల నుండి తరలి వచ్చిన రోగులను వైద్యులు పరీక్షించి మందులు, కంటి అద్దాలు అందించారు. అవసరం అయిన వారికి కంటి శాస్ర్తి చికిత్స అందిస్తామని అన్నారు. కంటికి వచ్చే వ్యాధుల పట్ల అవగాహన కల్పించారు. ఈ కంటి వైద్య శిబిరంకు వచ్చి సహాయ సహకారాలు అందించిన ఎల్వి ప్రసాద్ కంటి వైద్యులకు పంపు ఆపరేటర్ రాసం నవీన్ ప్రత్యేక ధన్యవాదాలు తెలిపారు. భవిష్యత్ లో కూడా మరిన్ని సామాజిక సేవా కార్యక్రమాలు భారత్ పెట్రోలియం ఆద్వర్యంలో నిర్వహిస్తామని తెలిపారు.