సిరాన్యూస్, ఇచ్చోడ
ఇచ్చోడ‌లో ఘనంగా బీజేపీ పార్టీ ఆవిర్భావ దినోత్సవ వేడుకలు
భారతీయ జనతా పార్టీ 44 వ ఆవిర్భావ దినోత్సవ వేడుకలను శ‌నివారం ఆదిలాబాద్ జిల్లా ఇచ్చోడ మండల కేంద్రంలో ఘనంగా నిర్వహించారు. ఈసంద‌ర్భంగా బీజేపీ మండల అధ్యక్షుడు కేంద్రే నారాయణ ఆధ్వ‌ర్యంలో పార్టీ కార్యాలయం ముందు బీజేపీ జెండాను ఎగరవేశారు. అనంతరం ఆయన మాట్లాడుతూ శ్యాంప్రసాద్‌ ముఖర్జీ ఏ ఉద్దేశంతో పార్టీని స్థాపించారో ఆయన ఆశయాలకు అనుగుణంగానే నేడు భారత ప్రధాని న‌రేంద్ర‌మోడీ ముందుకు తీసుకెళ్లుతున్నట్లు పేర్కొన్నారు.దేశం కోసం ధర్మ కోసం బడుగు, బలహీన వర్గాల అభ్యున్నతి కోసం ప్రధాని మోదీ కృషి చేస్తున్నట్లు వివరించారు. కార్యక్రమంలో బిజెపి నాయకులు గుమ్మడి భీమ్ రెడ్డి, తెహరి రమేష్, పాండ్ రంగ్, కళ్లెం దయాకర్ రెడ్డి, తులసి రామ్, కార్యకర్తలు తదితరులు పాల్గొన్నారు.