సిరా న్యూస్, బోథ్:
అంబేద్కర్ ఆశయ సాధనకు కృషి చేయాలి…
-బోథ్ ఎమ్మెల్యే అనిల్ యాదవ్
భారత రాజ్యాంగ నిర్మాత డాక్టర్ బాబాసాహెబ్ అంబేద్కర్ ఆశయ సాధనకు ప్రతి ఒక్కరు కృషీ చేయాలని ఆదిలాబాద్ జిల్లా బోథ్ నియోజకవర్గ ఎమ్మెల్యే అనిల్ జాదవ్ అన్నారు. శుక్రవారం ఆయన తన క్యాంపు కార్యాలయంలో ఈ మేరకు గణతంత్ర దినోత్సవ వేడుకలు నిర్వహించారు. ఈ సందర్భంగా జాతీయ జెండాను ఆవిష్కరించారు. అంబేద్కర్ చిత్రపటానికి పూలమాలలు వేసి నివాళులర్పించారు. ఈ సందర్భంగా ఎమ్మెల్యే మాట్లాడుతూ… బాబా సాహెబ్ అంబేద్కర్ దేశం కోసం చేసిన సేవలను కొనియాడారు. కుల, మతాలకతీతంగా ప్రతి ఒక్కరూ అంబేద్కర్ స్ఫూర్తితో దేశ సేవకు అంకితం కావాలని కోరారు. అనంతరం పాఠశాల విద్యార్థులకు నోటు పుస్తకాలు, పెన్నులు పంపిణీ చేశారు. ఈ కార్యక్రమంలో స్థానిక నాయకులు, అధికారులు పాల్గొన్నారు.
