సిరాన్యూస్,ఆదిలాబాద్
పోలీస్ అమరవీరుల త్యాగాలు వెలకట్టలేనివి : కలెక్టర్ రాజర్షి షా
* ఆదిలాబాద్ పట్టణంలో కొవ్వొత్తుల ర్యాలీ
పోలీస్ అమరవీరుల త్యాగాలు వెలకట్టలేనివ‌ని ఆదిలాబాద్ జిల్లా కలెక్టర్ కలెక్టర్ రాజర్షి షా అన్నారు. సోమ‌వారం అక్టోబర్ 21 అమరవీరుల సంస్మరణ దినోత్సవం ఫ్లాగ్ డే సందర్భంగా ఆదిలాబాద్ పట్టణంలో స్థానిక కలెక్టర్ చౌరస్తా నుండి వినాయక్ చౌక్ వరకు జిల్లా కలెక్టర్ రాజర్షి షా జిల్లా ఎస్పీ గౌష్ ఆలం జిల్లా పోలీసు అధికారులతో కలిసి భారీ క్యాండిల్ ర్యాలీ నిర్వహించారు. ఈ ర్యాలీ లో జిల్లా ప్రజలు, ఔత్సాహికులు, పెద్ద ఎత్తున పాల్గొని విజయవంతం చేశారు. అమరవీరుల త్యాగాలను నినాదాలుగా చేస్తూ, స్మరించుకుంటూ ఈ ర్యాలీ కొనసాగింది.