సిరాన్యూస్, ఆదిలాబాద్‌
టీపీసీసీ ప్రెసిడెంట్ మహేష్ కుమార్ గౌడ్ ను కలిసిన కంది శ్రీనివాసరెడ్డి
* శాలువాతో సత్కరించి జ్ఞాపిక బహుకరణ
తెలంగాణ ప్రదేశ్ కాంగ్రెస్ కమిటీ నూతన అధ్యక్షుడు మహేష్ కుమార్ గౌడ్ ను అదిలాబాద్ కాంగ్రెస్ పార్టీ అసెంబ్లీ ఇంచార్జ్ కంది శ్రీనివాసరెడ్డి హైదరాబాద్‌లో శుక్రవారం మర్యాద పూర్వకంగా కలిశారు. కొత్త అధ్యక్షునికి శుభాకాంక్షలు తెలియజేసి శాలువాతో ఘనంగా సత్కరించి జ్ఞాపికను బహుకరించారు. మహేష్ కుమార్ గౌడ్ నాయకత్వం లో ఆయ‌న మార్గ‌ద‌ర్శ‌కాల‌క‌నుగుణంగా న‌డుచుకుంటానని తెలిపారు. ఆయ‌న స‌ల‌హాలు సూచ‌న‌లు పాటిస్తూ నియోజ‌క వ‌ర్గంలో పార్టీ బ‌లోపేతానికి త‌గ‌న విధంగా కృషి చేస్తానన్నారు. ఆయ‌న ఆదేశాల‌ను శిర‌సావ‌హిస్తూ పార్టీ క్యాడ‌ర్ కు త‌గిన దిశానిర్దేశం చేస్తూ రానున్న స్థానిక సంస్థ‌ల ఎన్నిక‌ల‌లో పార్టీ గెలుపే ల‌క్ష్యంగా ప‌ని చేస్తానని చెప్పారు.