సిరాన్యూస్, ఆదిలాబాద్
కాంగ్రెస్‌లోకి బీఆర్ఎస్ నాయ‌కుల చేరిక
* కండువాలు క‌ప్పి పార్టీలోకి ఆహ్వానించిన కంది శ్రీ‌నివాస రెడ్డి
ఆదిలాబాద్ కాంగ్రెస్ పార్టీ అసెంబ్లీ ఇంఛార్జి కంది శ్రీ‌నివాస రెడ్డి స‌మ‌క్షంలో కాంగ్రెస్ పార్టీలోకి చేరిక‌ల ప‌ర్వ‌ప‌ర కొనసాగుతోంది. బుధ‌వారం ఆదిలాబాద్ ప‌ట్ట‌ణంలోని 8 వ వార్డ్ కేఆర్కే కాలనీ నుండి సీనియర్ నాయకులు లోక ప్రవీణ్ రెడ్డి,ఎల్చల్ వార్ సురేందర్ ఆధ్వర్యంలో బీఆర్ఎస్ పార్టీ ఎస్సీ వార్డు అధ్యక్షులు ఝాడే సిద్ధార్థ్, బీఆర్ఎస్ పార్టీ వార్డు బీసీ అధ్యక్షులు బాదం భూమన్న,బీఆర్ఎస్ పార్టీ వార్డు బీసీ వైస్ ప్రెసిడెంట్ కట్కం రవీందర్ తో పాటు భారీ సంఖ్యలో కాలనీ వాసులు బీఆర్ఎస్ పార్టీ నుండి కాంగ్రెస్‌లో చేరారు. అంద‌రికీ కంది శ్రీ‌నివాస రెడ్డి కండువాలు క‌ప్పి పార్టీలోకి ఆహ్వానించారు. యువ‌తకు కాంగ్రెస్ పార్టీ అండ‌గా ఉంటుంద‌ని ఇలా పెద్ద ఎత్తున త‌ర‌లివ‌చ్చి పార్టీని బ‌లోపేతం చేయ‌డం శుభ ప‌రిణామ‌మ‌న్నారు. ఈ కార్యక్రమం లో కాంగ్రెస్ సీనియర్ నాయకులు గిమ్మ సంతోష్,మున్సిపల్ వైస్ చైర్మన్ జహీర్ రంజాని,నాయకులు కుర్ర నరేష్,ఎం.ఏ కయ్యుమ్,మహాకాల్ అజయ్,రాజేశ్వర్ తదితరులు పాల్గొన్నారు.