సిరాన్యూస్, ఖానాపూర్ టౌన్
ఉత్తమ అవార్డులు అందుకున్న డా. వేణుగోపాలకృష్ణ
నిర్మల్ జిల్లా ఖానాపూర్ ప్రభుత్వ ఆసుపత్రి వైద్యాధికారి డా వేణుగోపాలకృష్ణ ఉత్తమ అవార్డులు అందుకున్నారు. డా వేణుగోపాలకృష్ణ స్వీయ దర్శకత్వంలో నటించిన ప్రేమతో నాన్న, ఉత్తమ చిత్రంగా ఎన్నికైంది. ఉత్తమ నటుడిగా, దర్శకుడుగా డా. వేలుగోపాలకృష్ణ మరోసారి పురస్కారం పొందారు. ఇదివరకే ఉమ్మడి రాష్ట్రాల పోటీలో నాలుగు నంది పురస్కారాలు పొందారు . డా.వేణుగోపాలకృష్ణ ఉత్తమ వైద్యునిగా పలు జాతీయ, రాష్ట్ర, జిల్లా స్థాయి పురస్కారాలు పొందారు.ఆదివారం హైద్రాబాద్ ప్రసాద్ ల్యాబ్స్ లో జరిగిన 24 ఫ్రేమ్స్ మీడియా కార్యక్రమంలో డా. వేణుగోపాలకృష్ణ కి ఉత్తమ అవార్డులు అందజేశారు. సీనియర్ నటులు, మాజీ పార్లమెంటు సభ్యులు, పారిశ్రమికవేత్త మురళీ మోహన్ చేతుల మీదిగా డా. వేణుగోపాలకృష్ణ అవార్డులందుకున్నారు. జ్యూరీ సభ్యులు నర్సింహారావు,నిర్మాతలు నాగేశ్వర్ రెడ్డి ,ప్రసన్నకుమార్,డా.నీలిమ,డా.రమేష్ రెడ్డి, పిఎఫ్ సిసి, సభ్యలు, పద్మిని, సురేఖ, గోల్డ్ బాబు, రమేష్, తదితరులు పాల్గొన్నారు. నిర్మల్ కళాకారులు, శంకర్, గణేష్, కృష్ణవర్మ, అశ్విని, శోభ తో పాటు మిత్రులు ఉదయ్ చంద్ర అభి, రాజు, వినోద్, కన్నా, హరి, అంజి డా. వేణుగోపాలకృష్ణని అభినందించారు. అలాగే ఖానాపూర్ పట్టణ ప్రజలు అభినందించారు.
