సిరా న్యూస్, ఆదిలాబాద్
కీచక కానిస్టేబుల్ పై కేసు నమోదు
* వివరాలు వెల్లడించిన డీఎస్పీ ఎల్. జీవన్ రెడ్డి
మహిళతో అసభ్యంగా ప్రవర్తించిన హెడ్ కానిస్టేబుల్ పై కేసు నమోదైన సంఘ‌ట‌న గురువారం ఆదిలాబాద్ జిల్లా కేంద్రంలో చోటు చేసుకుంది. ఆదిలాబాద్ డిఎస్పి ఎల్ జీవన్ రెడ్డి తెలిపిన వివ‌రాల ప్ర‌కారం.. ఆదిలాబాద్ జిల్లాలో రెండవ బెటాలియన్ లో హెడ్ కానిస్టేబుల్ గా పనిచేస్తున్న ఎడిపెల్లి గణేష్ తన నివాసం దగ్గర ఒక మహిళ ఇంటిలోకి వెళ్లి అసభ్యంగా ప్రవర్తించారు. దీంతో ఆమె ఫిర్యాదు మేరకు స్థానిక మావల పోలీస్ స్టేషన్ లో హెడ్ కానిస్టేబుల్ పై క్రైమ్ నెంబర్ 115/24 తో 448,354(ఏ),506 ఐపిసి కింద కేసు నమోదు చేశామ‌న్నారు.మావల పోలీస్ స్టేషన్ లో కేసుపై విచారణ చేప‌ట్టిన‌ట్లు తెలిపారు. మహిళతో అసభ్యంగా వ్యవహరించిన హెడ్ కానిస్టేబుల్ గణేష్ పై శాఖపరమైన చర్యలకు రిపోర్ట్ ను పంపడం జరుగుతుందని తెలిపారు.