సిరా న్యూస్, జైనథ్‌:
కూర కళ్యాణోత్సవంలో మాజీ మంత్రి జోగు రామన్న
ఆదిలాబాద్‌ జిల్లా జైనథ్‌ మండలంలోని కూర గ్రామంలో ఆదివారం నిర్వహించిన కళ్యాణోత్సవ వేడుకల్లో మాజీ మంత్రి జోగు రామన్న పాల్గొన్నారు. ఈ సందర్భంగా అమ్మవార్ల సమేతుడైన శ్రీ వేంకటేశ్వర స్వామిని దర్శించుకొని, ప్రత్యేక పూజలు, అభిషేకాలు గావించారు. ఈ సందర్భంగా భక్తులతో కలిసి స్వామి వారి కళ్యాణోత్సవ వేడుకలను భక్తిశ్రద్దలతో తిలకించారు. అనంతరం అన్నదాన కార్యక్రమంలో నాయకులు, భక్తులతో కలిసి భోజనం చేసారు. ఈ సందర్భంగా స్థానిక నాయకులు ఆయన్ను పూలమాలలు, శాలువాలతో సత్కరించారు. ఆయన వెంట ఎంపీపీ మార్శెట్టి గోవర్ధన్, వెంకన్న, వెంకట్‌రెడ్డి, తదితరులు ఉన్నారు.