సిరా న్యూస్, ఆదిలాబాద్‌:
ఆదిలాబాద్‌ ఐటీకీ ఆధ్యుడు జోగు రామన్న
+ మున్సిపల్‌ చైర్మన్‌ జోగు ప్రేమేందర్‌
+ ఐటీ టవర్‌ పనులు పరిశీలన
ఆదిలాబాద్‌ లాంటి చిన్న పట్టణానికి ఐటీ కంపెనీలు తెచ్చి, ఆదిలాబాద్‌లో ఐటీ రంగానికి బాటలు వేసిన గొప్ప నాయకుడు జోగు రామన్న అని, మున్సిపల్‌ చైర్మన్‌ జోగు ప్రేమేందర్‌ అన్నారు. మంగళవారం ఆయన స్థానిక కౌన్సిలర్‌ పవన్‌ నాయక్‌తో కలిసి ఆదిలాబాద్‌లో నిర్మిస్తున్న ఐటీ టవర్‌ పనులలు పరిశీలించారు. ఈ సందర్భంగా ఆయన మాట్లాడుతూ.. మాజీ మంత్రి జోగు రామన్న చలువతోనే రూ. 40 కోట్లతో ఆదిలాబాద్‌కు ఐటీ టవర్‌ మంజూరైందన్నారు. అదిలాబాద్‌లో ఉన్నత విద్యతో పాటు ఉపాధి కల్పనకు జోగు రామన్న చేసిన కృషీ భావి తరాలకు ఆదర్శమని అన్నారు. ఈ ఐటీ టవర్‌ నిర్మాణానికి ప్రతీ ఒక్కరు సహకరించాలని కోరారు.