సిరా న్యూస్, ఆదిలాబాద్:
గొడం నగేష్ కు అభినందనలు తెలిపిన దళిత మోర్చా నాయకులు
బిజెపి పార్టీ దళిత మోర్చా నాయకులు, ఆదిలాబాద్ బిజెపి ఎంపీ అభ్యర్థి గొడం నగేష్ ను మర్యాదపూర్వకంగా కలుసుకున్నారు. శనివారం ఆదిలాబాద్ పట్టణంలోని గొడం నగేష్ నివాసంలో కలిసి పుష్పగుచ్చం అందించి, అభినందనలు తెలిపారు. ఆయనకు స్వీట్లు తినిపించి శాలువా కప్పి, ఘనంగా సన్మానించారు. బిజెపి అధిష్టానం ఎంపీ అభ్యర్థిగా ప్రకటించడం సంతోషంగా ఉందని అన్నారు. రానున్న పార్లమెంట్ ఎన్నికల్లో పార్టీ గెలుపే లక్ష్యంగా సమిష్టిగా కృషి చేస్తామని ఆయనకు హామీ ఇచ్చారు. గొడం నగేష్ ను కలిసిన వారిలో ఆదిలాబాద్ దళిత మోర్చా జిల్లా అధ్యక్షులు ఆస్తక్ సుభాష్, ప్రధాన కార్యదర్శి తాక్సాండే ధర్మ పాల్, నాయకులు గోవర్ధన్ తదితరులు ఉన్నారు.