సిరాన్యూస్, ఆదిలాబాద్
శిక్షణ కేంద్రం ఎల్లప్పుడూ పరిశుభ్రంగా ఉండాలి: ఎస్పీ గౌష్ ఆలం
* కానిస్టేబుల్ శిక్షణ కేంద్రం త‌నిఖీ
* భోజనం సదుపాయాలపై పరిశీలన
ఆదిలాబాద్ జిల్లా పోలీసు శిక్షణ కేంద్రంలో శిక్షణ పొందుతున్న 260 మంది సివిల్ కానిస్టేబుల్ లకు అందిస్తున్న శిక్షణను జిల్లా ఎస్పీ గౌష్ ఆలం ఐపీఎస్ ఆకస్మికంగా పరిశీలించారు. ఈ సందర్భంగా శిక్షణ తీసుకుంటున్న కానిస్టేబుల్ కు అందిస్తున్న భోజన సదుపాయాలను , భోజనశాల యొక్క పరిశుభ్రతను, అందిస్తున్న సరుకుల నాణ్యతను స్వయంగా పరిశీలించారు. అదేవిధంగా కానిస్టేబుల్ లకు విధి ప్రకారం అందించే భోజన సదుపాయాలను ఆరా తీయడం జరిగింది. అందిస్తున్న భోజన సదుపాయాల యొక్క నాణ్యతను కానిస్టేబుల్ లను ప్రత్యక్షంగా అడిగి విచారించడం జరిగింది. శిక్షణ కేంద్రం ఎల్లప్పుడూ పరిశుభ్రతను కలిగి ఉండాలని అధికారులకు సూచించారు. శిక్షణ కేంద్రంలో ఐదు జిల్లాలకు సంబంధించిన సివిల్ కానిస్టేబుల్ లకు 9 నెలలపాటు శిక్షణను అందించనున్నట్లు తెలియజేశారు. శిక్షణలో భాగంగా కానిస్టేబుల్ సిఆర్పిసి, ఐపిసి, పోలీసు పరేడ్, ఆయుధాల పరిజ్ఞానం, సంఘవిద్రవశక్తులతో పోరాటం, శారీరక దృఢత్వం తదితర అంశాలను కానిస్టేబుల్ లకు శిక్షణను అందించనున్నారు.