సిరా న్యూస్, ఆదిలాబాద్:
మొక్కలతోనే మానవాళి మనుగడ
–ప్రధానోపాద్యాయులు గజేందర్
మొక్కలతోనే మానవ మనుగడ సాధ్యమని గూడ జడ్పీ ఉన్నత పాఠశాల ప్రధానోపాద్యాయులు కందుల గజేందర్ అన్నారు. శనివారం పాఠశాల ఆవరణలో స్థానిక నాయకులు, విద్యార్థులతో కలిసి మొక్కలు నాటారు. అనంతరం పాఠశాల ఆవరణలోని కిచెన్‌ గార్డెన్‌లో సైతం కూరగాయల మొక్కలు నాటారు. ఈ సందర్భంగా ఆయన మాట్లాడుతూ.. విద్యార్థులకు రసాయన ఎరువులు లేని ఆరోగ్యకరమైన కూరగాయలు అందించాలనే లక్ష్యంతో కిచెన్‌ గార్డెన్‌ను నిర్వహిస్తున్నట్లు తెలిపారు. దీంతో పాటు కూరగాయల సాగు, వ్యవసాయం, పర్యావరణ పరిరక్షణ తదితర అంశాలను గురించి సైతం విద్యార్థులకు అవగాహణ కల్పించే విదంగా మొక్కలు పెంచే కార్యక్రమాన్ని చేపట్టినట్లు ఆయన తెలిపారు. ఈ కార్యక్రమంలో ఎంపిటీసీ తోట రమ రమేష్, నాయకులు శ్రీపతి రావ్, ఏఏపీసీ చైర్మెన్‌ కంది సుజాత, ఉపాద్యాయులు, విద్యార్థులు పాల్గొన్నారు.
