సిరా న్యూస్, జైనథ్:
జైనథ్ లో తెలంగాణ ఆవిర్భావ దినోత్సవ వేడుకలు
ఆదిలాబాద్ జిల్లా జైనథ్ మండల కేంద్రంలోని ఎంపీడీవో కార్యాలయంలో ఎంపీపీ మార్శెట్టి గోవర్ధన్ ఆధ్వర్యంలో రాష్ట్ర అవతరణ వేడుకలను ఘనంగా నిర్వహించారు. ఈ సందర్భంగా జాతీయ పథకాన్ని ఆవిష్కరించి, జెండా వందనం గావించారు. ఈ సందర్భంగా పలువురు మాట్లాడుతూ… తెలంగాణ కోసం అసువులు బాసిన అమరుల త్యాగాలను కొనియాడారు. ఈ కార్యక్రమంలో జడ్పిటీసీ తుమ్మల అరుంధతి వెంకట్ రెడ్డి, వైస్‌ ఎంపీపీ సావాపూరే విజయ్, ఎంపీడీవో రవీందర్, ఎంపిటీసీలు కొడిచర్ల సుదర్శన్, లోక కరుణాకర్‌ రెడ్డి, స్థానిక నాయకులు, అధికారులు పాల్గొన్నారు.
