సిరా న్యూస్, జైనథ్:
జైనథ్ లో ఘనంగా శోభాయాత్ర…
ఆదిలాబాద్ జిల్లా జైనథ్ మండల కేంద్రంలోని లక్ష్మీనారాయణ స్వామి ఆలయం నుండి గ్రామంలోని ప్రధాన వీధుల గుండా శోభాయాత్రను ఘనంగా నిర్వహించారు. సోమవారం సీతారాముల ఉత్సవ విగ్రహాలకు నూతన వస్త్రాలను అలంకరించి, ఈ మేరకు ఆలయంలో ప్రత్యేక పూజలు నిర్వహించారు. అయోధ్య రామాలయంలో రామ్ లల్లా విగ్రహ ప్రాణ ప్రతిష్ట కార్యక్రమం సందర్భంగా ప్రత్యేక పూజాది కార్యక్రమాలు చేపట్టారు. భక్తులు భజనలు చేస్తూ… జై శ్రీరామ్ అంటూ… శోభాయాత్రలో పాల్గొనగా, మహిళలు పెద్ద ఎత్తున మంగళహారతులతో ముందుకు సాగారు. దీంతో గ్రామంలో పండగ వాతావరణం నెలకొంది. ఈ కార్యక్రమంలో ఆలయ కమిటీ చైర్మన్ వామన్ రావు, స్థానిక సర్పంచ్ దుమాల దేవన్న, ఎంపిటిసి కొడిచర్ల సుదర్శన్, ఉప సర్పంచ్ రాకేష్ రెడ్డి, నాయకులు సర్సన్ లింగారెడ్డి, తదితరులు పాల్గొన్నారు.
