సిరాన్యూస్, ఆదిలాబాద్
ఆదివాసీలు అన్ని రంగాల్లోనూ రాణించాలి: కాంగ్రెస్ అసెంబ్లీ ఇంఛార్జి కంది శ్రీ‌నివాస రెడ్డి
* ఘనంగా ప్ర‌పంచ ఆదివాసీ దినోత్సవం
ఆదివాసీలు అన్ని రంగాల్లోనూ రాణించాలని ఆదిలాబాద్ కాంగ్రెస్ పార్టీ అసెంబ్లీ ఇంఛార్జి కంది శ్రీ‌నివాస రెడ్డి అన్నారు. శుక్రవారం ప్ర‌పంచ ఆదివాసీ దినోత్స‌వ వేడుక‌లను కంది శ్రీ‌నివాస రెడ్డి పార్టీ శ్రేణుల‌తో క‌లిసి ఆదిలాబాద్ జిల్లా కలెక్టర్ చౌక్ లోని ఆదివాసీల ఆరాధ్య దైవాలు కొమురం భీం విగ్ర‌హానికి, బ‌స్టాండ్ వద్ద గ‌ల భీమ్ తో పాటు రాంజీ గోండు విగ్రహాల‌కు పూల మాల‌లు వేసి నివాళ్లు అర్పించారు.అనంత‌రం ఆ మ‌హ‌నీయుల సేవ‌ల‌ను స్మ‌రించుకున్నారు. ఈ సంద‌ర్భంగా కంది శ్రీ‌నివాస రెడ్డి మాట్లాడుతూ ఆదివాసీలు అన్ని రంగాల‌లోను రాణించాలని అభిల‌షించారు.గ‌త ప్ర‌భుత్వం వ‌ల్ల ఆదివాసీల జీవితాల్లో ఎలాంటి పురోగ‌తి లేద‌ని విమ‌ర్శించారు. కాంగ్రెస్ ప్ర‌భుత్వం ఆధికారంలోకొచ్చిన త‌ర్వాత వెనుక బ‌డిన ఆదివాసీల‌ను దృష్టిలో పెట్టుకొని అనేక సంక్షేమ ప‌థ‌కాలు ప్ర‌వేశ పెట్టింద‌న్నారు. ఈ కార్యక్రమం లో ఆదివాసీ జిల్లా కాంగ్రెస్ ఛైర్మ‌న్ సెడ్మ‌కె ఆనంద్ రావు, డీసీసీ వర్కింగ్ ప్రెసిడెంట్ భూపెల్లి శ్రీధర్,గిరిజన మోర్చా రాష్ట్ర కార్యదర్శి సిడాం రామ్ కిషన్,ఆదివాసీ కాంగ్రెస్ జిల్లా వర్కింగ్ ప్రెసిడెంట్ అరక శేషి రావు,మాజీ కౌన్సిలర్ మెస్రం కృష్ణ,ఆదివాసీ ఆశయ సాధన కొమురం భీమ్ ఆదిలాబాద్ రూరల్ మండల అధ్యక్షులు అనక గంగారాం,ఆదివాసీ బంగారిగూడ గ్రామ కమిటీ అధ్యక్షులు కొట్నాక్ భరత్,మార్స్కోల అశోక్,ఐటీడీఏ డైరెక్టర్ కుడ్సంగె తానాజీ,మెస్రం శంకర్,జైనథ్ మాజీ జడ్పీటీసీ తుమ్మల అరుంధతి – వెంకట్ రెడ్డి, మావల ఎంపీపీ దర్శనాల ఏవన్,మున్సిపల్ వైస్ చైర్మన్ జహీర్ రంజాని,యూత్ కాంగ్రెస్ జిల్లా అధ్యక్షులు చరణ్ గౌడ్,కాంగ్రెస్ సీనియర్ నాయకులు గిమ్మ సంతోష్,లోక ప్రవీణ్ రెడ్డి,కౌన్సిలర్లు బండారి సతీష్ పాల్గొన్నారు.