సిరా న్యూస్, ఆదిలాబాద్‌:
అదిలాబాద్‌ కాంగ్రేస్‌ పార్టీ ఎమ్మెల్యే అభ్యర్థి కంది శ్రీనివాస రెడ్డి, శ్రీ లక్ష్మీనారాయణ స్వామి రథోత్సవంలో పాల్గొన్నారు. శుక్రవారం సాయంత్రం ఆలయానికి విచ్చేసిన ఆయన స్థానిక నాయకులతో కలిసి స్వామి వారిని దర్శించుకొని, పూజా కార్యక్రమాలు నిర్వహించారు. అనంతరం రథోత్సవ వేడుకల్లో పాల్గొన్న ఆయన, శోభాయాత్రలో భక్తులతో కలిసి నడిచారు. ప్రజలంతా ఆయురారోగ్యాలతో వర్థిల్లాలని ప్రార్థించారు. అంతకు ముందు పార్టీ శ్రేణులు ఆయనకు ఘన స్వాగతం పలికారు. శాలువా, పూలమాలతో సత్కరించారు. ఆయన వెంట స్థానిక ఎంపిటీసీ కొడిచర్ల సుదర్శన్, నాయకులు సంతోష్‌ రావ్, రాజన్న, అల్లూరి అశోక్‌ రెడ్డి, బద్దం సురేష్‌ రెడ్డి, పూండ్రు రవి కిరణ్‌ రెడ్డి, తదితరులు ఉన్నారు.