సిరాన్యూస్, మానకొండూర్:
పోచంపల్లి మోడల్ స్కూల్ సందర్శించిన ఎమ్మెల్యే డా.కవ్వంపల్లి సత్యనారాయణ
* విద్యార్థులకు యూనిఫామ్ అంద‌జేత
మానకొండూర్ నియోజకవర్గం పోచంపల్లి గ్రామంలోని తెలంగాణ మోడల్ స్కూల్ ని ఎమ్మెల్యే డా.కవ్వంపల్లి సత్యనారాయణ గురువారం సందర్శించారు. ఈ సందర్భంగా విద్యార్థులను, ప్రిన్సిపాల్ ను పలు సమస్యలను అడిగి తెలుసుకున్నారు. వారికి ఇచ్చిన హామీ మేరకు సమస్యలను ఒక్కొక్కటిగా పరిష్కరిస్తానని హామీ ఇచ్చారు. అనంతరం పాఠశాల గ్రౌండ్ లో కూరగాయల మొక్కలు నాటడం కోసం స్వయంగా ఎమ్మెల్యే ట్రాక్టర్ తో దున్నారు. సెంట్రల్ లైటింగ్ ఏర్పాటు కోసం ఎంపీపీ నిధుల నుండి లక్ష రూపాయలు మంజూరు చేసి, రేపటి లోగా కొత్త బోర్ వేయిస్తానని ఇచ్చారు. పాఠశాల ముందు ఉన్న మెయిన్ రోడ్డుకు డబల్ రోడ్డు వేయడంతో రోడ్డు ఎత్తు పెరగడం వల్ల పాఠశాలకు వచ్చే విద్యార్థులకు ఇబ్బందులు కలుగుతుందని చెప్పిన వెంటనే సంబంధిత ఇంజనీరింగ్ అధికారులతో ఫోన్లో మాట్లాడి సమాచారం తెలుసుకున్నారు. మెయిన్ గేట్ ముందు ఉన్న డ్రైనేజీ నిర్మాణం చేపట్టి విద్యార్థులకు ఉపాధ్యాయులకు ఎటువంటి ఇబ్బందులు లేకుండా చూస్తామని తెలిపారు. పాఠశాల విద్యార్థులకు జాతీయ నులి పురుగుల నివారణ దినోత్సవం సందర్బంగా ఎమ్మెల్యే విద్యార్థులకు మాత్రలు వేసి స్కూల్ యూనిఫామ్ పంపిణీ చేశారు. కార్యక్రమంలో మండల ప్రజాప్రతినిధులు, అధికారులు, కాంగ్రెస్ నాయకులు కార్యకర్తలు పాల్గొన్నారు.
