సిరా న్యూస్,నల్లగొండ;
నాగార్జున సాగర్ లో మొసళ్ళ సంచారం కలకలం రేపుతోంది.ఇటీవల కాలంగా వస్తున్న వరదలకు సాగర్ నిండు కుండలామారింది.దాంతో ప్రాజెక్టులో మొసళ్ళ సంచారం ఎక్కువైంది.మెయిన్ డ్యాం వద్ద గల భద్రతా సిబ్బంది కార్యాలయం వెనకాల ఒడ్డుకు మొసళ్ళు ప్రత్యక్షమయ్యాయి.సాగర్ పూర్తి స్థాయి నీటి మట్టానికి ప్రస్తుత నీటి మట్టం చేరువవ్వడం తో భద్రతా సిబ్బంది భయాందోళనకు గురవుతుంది.పెరిగిన నీటి మట్టం కారణంగా మొసళ్ళు ఆఫిస్ దగ్గరికి వచ్చే ప్రమాదం పొంచి ఉండడంతో రాత్రి వేళల్లో భద్రతా సిబ్బంది బిక్కు బుక్కు మంటూ విధులు నిర్వహిస్తుంది.కాగా కార్యాలయం చుట్టూ జాలీలు ఏర్పాటు చేయాలని కోరుతున్నారు.