సిరాన్యూస్, తిమ్మాపూర్:
బతుకమ్మ, దసరా పండుల‌కు ఏర్పాట్లు చేయాలి : ఎమ్మెల్యే డా.కవ్వంపల్లి సత్యనారాయణ
* అధికారుల‌తో స‌మీక్ష సమావేశం
బతుకమ్మ, దసరా పండుల‌కు ఏర్పాట్లు పూర్తి చేయాలని అధికారులను ఎమ్మెల్యే డా.కవ్వంపల్లి సత్యనారాయణ ఆదేశించారు.శ‌నివారం మానకొండూర్ నియోజకవర్గం తిమ్మాపూర్ మండలం మహాత్మానగర్ గ్రామంలోని ప్రజాభవన్ కార్యాలయంలో బతుకమ్మ పండుగ ఏర్పాట్లపై అన్ని మండలాల ఎమ్మర్వో,ఎంపీడీవో,ఎంపీవో లతో మానకొండూరు ఎమ్మెల్యే డా.కవ్వంపల్లి సత్యనారాయణ సమీక్షా సమావేశం నిర్వహించారు. సందర్భంగా ఆయన మాట్లాడుతూ తెలంగాణ రాష్ట్రంలో అత్యంత వైభవంగా జరుపుకునే బతుకమ్మ, దసరా పండుగ దగ్గర్లో ఉంద‌ని, గ్రామాల్లో ప్రస్తుతం ప్రజాప్రతినిధులు లేనందున ఎమ్మార్వో, ఎంపీడీవో, ఎంపీవో లే పూర్తి స్థాయి బాధ్యతలు తీసుకొని గ్రామాల్లో అన్ని ఏర్పాట్లు వారికి దిశా నిర్దేశం చేశారు. ప్రతి గ్రామాల్లో మహిళలు బతుకమ్మ ఆడుకునే స్థలంలో పారిశుధ్యం లేకుండా , లైటింగ్ లను ఏర్పాట్లు చేయాలని సూచించారు. గ్రామాల్లో ఉన్న వీధులన్నీ క్లీన్ చేసి వీధి దీపాలు కూడా ఏర్పాటు చేసి, ప్రజలకు ఎక్కడ ఇబ్బందులు తలెత్తకుండా చూడాలని అధికారులను ఆదేశించారు.