సిరా న్యూస్, ఆదిలాబాద్:
+ ఎమ్మెల్యే పాయల్ శంకర్ ను సన్మానించి పిప్పల్ ధరి గ్రామస్తులు…
+ సిసి రోడ్డు పనులకు భూమి పూజ చేసిన ఎమ్మెల్యే
అదిలాబాద్ జిల్లా రూరల్ మండలంలోని పిప్పల్ ధరి గ్రామస్తులు ఎమ్మెల్యే పాయల్ శంకర్ ను పూల మాలలు, శాలువాలతో ఘనంగా సన్మానించారు. ఆదివారం ఈ మేరకు గ్రామంలో ఎమ్మెల్యేకు ఆత్మీయ సన్మాన కార్యక్రమం నిర్వహించారు. ఎమ్మెల్యేగా గెలిచిన తర్వాత మొదటిసారిగా తమ గ్రామానికి వచ్చిన పాయల్ శంకర్ ను డప్పు వాయిద్యాలు, మంగళహారతులతో ఘన స్వాగతం పలికారు. ఈ సందర్భంగా ఎమ్మెల్యే మాట్లాడుతూ… తాను మూడుసార్లు ఎమ్మెల్యేకు పోటీ చేసి ఓడిపోయినప్పటికీ కూడా నాలుగోసారి మాత్రం నియోజకవర్గ ప్రజలంతా బిజెపికి పట్టం కట్టి తనను ఎమ్మెల్యేగా గెలిపించడం జరిగిందన్నారు. ప్రజల నమ్మకాన్ని మమ్ము చేయకుండా ప్రజా సంక్షేమమే ధ్యేయంగా పార్టీలకు అతీతంగా పనిచేస్తానని ఆయన అన్నారు. ప్రజలకు ఎల్లవేళలా అందుబాటులో ఉంటూ, ప్రభుత్వ సంక్షేమ పథకాలు అర్హులందరికీ అందించేందుకు కృషి చేస్తానని అన్నారు. అనంతరం నాయకులు, గ్రామస్తులతో కలిసి ప్రధానమంత్రి గ్రామ్ సడక్ యోజన పథకంలో భాగంగా రూ. 10 లక్షలతో సిసి రోడ్డు పనులకు భూమి పూజ చేశారు. ఆయన వెంట నాయకులు అంకత్ రమేష్, అస్తక్ సుభాష్, తాక్సాండే దరంపాల్, గ్రామస్తులు ఉన్నారు.
