సిరా న్యూస్, ఖానాపూర్‌:
యువత క్రీడల్లో రాణించాలి…
+ ఎమ్మెల్యే వెడ్మా బొజ్జు పటేల్
గ్రామీణ ప్రాంతాల్లోని యువత క్రీడలపై ఆసక్తి పెంచుకొని, క్రీడల్లో రాణించాలని నిర్మల్‌ జిల్లా ఖానాపూర్‌ ఎమ్మెల్యే వెడ్మా బొజ్జు పటేల్ అన్నారు. శనివారం ఖానాపూర్‌ పట్టణంలో కేంద్రంలో నిర్వహించిన క్రికేట్‌ టోర్నమెంట్‌ పోటీలకు ఆయన ముఖ్య అతిథిగా హాజరై ప్రారంభించారు. ఈ సందర్భంగా క్రీడాకారులతో కరచాలనం చేసి, పరిచయం పెంచుకున్నారు. అనంతరం తాను కాసేపు అన్ని మరిచిపోయి, సరదాగా క్రికెట్‌ ఆడారు. ఈ సందర్భంగా ఆయన మాట్లాడుతూ… క్రీడల్లో గెలుపోటములు సహజమని అన్నారు. క్రీడాకారులు క్రీడాస్పూర్తితో ఆటలు ఆడాలని సూచించారు.
