సిరాన్యూస్, ఖానాపూర్ టౌన్
ఉచిత వైద్య శిబిరాలు ఏర్పాటు చేయడం అభినందనీయం : ఎమ్మెల్యే వెడ్మ బొజ్జు పటేల్
ప్రపంచానికి వార్తలను తెలియపరచడంలో కీలకపాత్ర పోషిస్తూ ప్రజల ఆరోగ్యాన్ని దృష్టిలో పెట్టుకుని బిగ్-టీవీ ఆధ్వర్యంలో ఉచిత వైద్య శిబిరాలను ఏర్పాటు చేయడం అభినందనీయమని ఖానాపూర్ నియోజకవర్గ ఎమ్మెల్యే వెడ్మ బొజ్జు పటేల్ అన్నారు.శుక్రవారం నిర్మ‌ల్ జిల్లా ఖానాపూర్ మండలం గిరిజన ఆశ్రమ పాఠశాలలో ఉచిత మెగా వైద్య శిబిరాన్ని ఎమ్మెల్యే ప్రారంభించారు.ఈ సందర్భంగా ఏర్పాటు చేసిన సమావేశంలో పాల్గొని ఎమ్మెల్యే మాట్లాడారు. సమాజంలో ఒక కొత్త ఒరవడికి బిగ్-టీవీ శ్రీకారం చుట్టిందన్నారు. రాష్ట్రవ్యాప్తంగా వైద్య శిబిరాలను ఏర్పాటు చేయడం హర్షణీయమన్నారు.ఈ వైద్య శిబిరాల ద్వారా నిరుపేదలకు ఎంతో లాభం చేకూరుతుందని పేర్కొన్నారు.అనంతరం వైద్య శిబిరంలో ఎమ్మెల్యే హెల్త్ చెకప్ చేసుకున్నారు.ఈ సందర్బంగా రోగులకు ఉచిత మందులను పంపిణీ చేశారు.ఈ కార్యక్రమంలో కాంగ్రెస్ పార్టీ నాయకులు, గ్రామస్తులు తదితరులు పాల్గొన్నారు.