సిరాన్యూస్,ఉట్నూర్
కేంద్ర మంత్రి రవ్నీత్ సింగ్ బిట్టు దిష్టి బొమ్మ ద‌హ‌నం: ఎమ్మెల్యే వెడ్మ బొజ్జు పటేల్
* రవ్నీత్ సింగ్ బిట్టు తల తెచ్చిన వారికీ నా ఆస్తి రాసిస్తా
* ఎమ్మెల్యే పాడి కౌశిక్ రెడ్డి నోరు అదుపులో పెట్టుకో
కేంద్రంలో గాడ్సే ప్రభుత్వం ఉందని, కుల మతాల మధ్య చిచ్చు పెట్టి దేశంలో అల్లకల్లోలం సృష్టించడానికి బీజేపీ పార్టీ నిరంతరం కుట్ర పన్నుతోందని ఖానాపూర్ ఎమ్మెల్యే వెడ్మ బొజ్జు పటేల్ అన్నారు. గురువారం టీపిసిసి రాష్ట్ర అధ్యక్షుడు మహేష్ కుమార్ గౌడ్ పిలుపు మేరకు కాంగ్రెస్ పార్టీ ఆధ్వర్యంలో ఆదిలాబాద్ జిల్లా ఉట్నూర్ మండల కేంద్రంలోని ఐబీ చౌరస్తాలో కేంద్ర మంత్రి రవ్నీత్ సింగ్ బిట్టు దిష్టి బొమ్మను ద‌హ‌నం చేశారు. ఈ సందర్భంగా ఖానాపూర్ ఎమ్మెల్యే వెడ్మ భోజ్జు పటెల్ సంచలన వ్యాఖ్యలు చేశారు. కాంగ్రెస్ పార్టీ అగ్రనేత, ప్రతిపక్ష నేత రాహుల్ గాంధీ తల తెచ్చిన వారికీ రివార్డు ఇస్తాం అని కేంద్రమంత్రి రావ్నీత్ సింగ్ బిట్టు చేసిన వ్యాఖ్యలను ఖండించారు. ఈసంద‌ర్బంగా ఎమ్మెల్యే కౌంటర్ ఇస్తూ రవ్నీత్ బిట్టు తలను తీసుకొచ్చిన వారికి తన ఆస్తి, తన తండ్రి పేర ఉన్న ఆస్తిని బహుమానంగా ఇస్తానని అన్నారు. కేంద్ర మంత్రి బిట్టు చేసిన వ్యాఖ్యలను తీవ్రంగా ఖండించారు. బీజేపీ పార్టీ గుండాలను పోషిస్తుందని అన్నారు. కేంద్ర హోంశాఖ మంత్రి అమిత్ షా ఇప్పటివరకు స్పందించకపోవడం దేనికి సంకేతమని ప్రశ్నించారు. రాహుల్ గాంధీ త్యాగాల కుటుంబ నుండి వచ్చిన ప్రజల నాయకుడని అన్నారు. బీజేపీ పార్టీ రవ్నీత్ బిట్టుపై కఠిన చర్యలు తీసుకోవాలని డిమాండ్ చేశారు. రాష్ట్రంలో బిఆర్ఎస్ పార్టీ కాంగ్రెస్ ప్రభుత్వం బురద జెల్లుతుందని,10 సంవత్సరాలు అధికారంలో ఉండి రాష్ట్రానికి ఎం చేశారో చెప్పాలని ప్రశ్నించారు. ఎమ్మెల్యే పాడి కౌశిక్ రెడ్డి నోరు అదుపులో పెట్టుకొని మాట్లాడాలని, సీఎం రేవంత్ రెడ్డిపై విచ్చల విడిగా మాట్లాడుతూ నోరు పారేసుకుంటే తగిన గుణపాఠం చెబుతామని హేచ్చరించారు. ట్విట్టర్ పిట్ట కేటీఆర్ విదేశాల్లో ఉంటు ప్రభుత్వంను బద్నామ్ చేయడం సరికాదని అన్నారు. కాంగ్రెస్ పార్టీ పేదల కోసం పని చేస్తోందని అన్నారు. కార్యక్రమంలో ఆదిలాబాద్ పార్లమెంట్ ఇంచార్జి ఆత్రం సుగుణ, కాంగ్రెస్ కిసాన్ సెల్ రాష్ట్ర ప్రధాన కార్యదర్శి బోరంచు శ్రీకాంత్ రెడ్డి,పిఏసిఎస్ చైర్మన్ ప్రభాకర్ రెడ్డి,మండల అధ్యక్షుడు అబ్దుల్ ఖయ్యుం,ఇంద్రవెల్లి మండల అధ్యక్షులు ముఖాడే ఉత్తం,బ్లాక్ అధ్యక్షులు ఇక్బాల్,ఎస్సి సెల్ జిల్లా ప్రధాన కార్యదర్శి దూట రాజేశ్వర్,ఎస్సి సెల్ మండల అధ్యక్షుడు అచ్చదేవానందం, టీపిసిసి సోషల్ మీడియా కో-ఆర్డినేటర్ మోబిన్,మాజీ సర్పంచ్ లు ఆత్రం రాహుల్, పెందుర్ కళావతి,కాంగ్రెస్ పార్టీ సీనియర్ నాయకులు బిరుదుల లాజర్, సయ్యద్ నిసార్,తదితరులు పాల్గొన్నారు.
