సిరాన్యూస్, కడెం
కాంగ్రెస్ తోనే గ్రామాల అభివృద్ధి: ఎమ్మెల్యే వెడ్మ బొజ్జు పటేల్
* బీటీ రోడ్ నిర్మాణ పనులను ప్రారంభం
కాంగ్రెస్ తోనే గ్రామాల అభివృద్ధి సాధ్య‌మ‌వుతుంద‌ని ఖానాపూర్ ఎమ్మెల్యే వెడ్మ బొజ్జు పటేల్ అన్నారు. మంగ‌ళ‌వారం నిర్మ‌ల్ జిల్లా ఖానాపూర్ మండలంలోని నవాబ్ పేట్, చిట్యాల, సారంగాపూర్, ధర్మాజీపేట్ గ్రామాలలో బీటి రోడ్డు పనులకు భూమి పూజ చేశారు.అనంతరం కడెం ప్రాజెక్టును సందర్శించారు. పెండింగ్ పనులను త్వరితగతిన పూర్తి చేయాలని నీటిపారుదల శాఖ అధికారులను ఆదేశించారు.ఈ సందర్బంగా ఎమ్మెల్యే మాట్లాడుతూ కడెం ప్రాజెక్టు ద్వారా చివరి ఆయకట్టు వరకు సాగునీటిని అందజేస్తామన్నారు.గత ప్రభుత్వం కడెం ప్రాజెక్టును పట్టించుకోకపోవడం వల్లే ఈ ప్రాంత రైతులు తీవ్రంగా నష్టపోయారని, కాంగ్రెస్ పార్టీ ఇచ్చిన మాటకు కట్టుబడి 9 కోట్ల 21 లక్షల నిధులను మంజూరు చేసి కడెం ప్రాజెక్టు కు పూర్తిస్థాయి మరమ్మత్తులు చేయించిందన్నారు.గ్రామాల అభివృద్దే ధ్యేయంగా రాష్ట్ర ప్రభుత్వం కృషి చేస్తోందన్నారు.పేదల సంక్షేమానికి పెద్దపిటా వేస్తున్న ఏకైక ప్రభుత్వం తమదని పేర్కొన్నారు. కార్యక్రమంలో స్థానిక ప్రజాప్రతినిధులు, కాంగ్రెస్ పార్టీ నాయకులు, ఆయా శాఖల అధికారులు, తదితరులు పాల్గొన్నారు.
