సిరాన్యూస్, ఉట్నూర్ :
విద్యార్థుల‌ను ఉత్తములుగా తీర్చిదిద్దాలి : ఎమ్మెల్యే వెడ్మ బొజ్జు పటేల్
విద్యార్థులకు నాణ్యమైన విద్యను అందిస్తూ ఉత్తములుగా తీర్చిదిద్దాల్సిన బాధ్యత ప్రభుత్వ-ప్రవేటు ఉపాధ్యాయులపై ఉందని ఖానాపూర్ నియోజకవర్గ శాసనసభ్యులు వెడ్మ బొజ్జు పటేల్ పేర్కొన్నారు.శనివారం ఆదిలాబాద్ జిల్లా ఉట్నూర్ మండల కేంద్రంలోని తిరుమల ఫంక్షన్ హాల్లో ట్రాస్మా ప్రైవేటు పాఠశాల యాజమాన్యాల ఆధ్వర్యంలో నిర్వహించిన సమావేశంలో ముఖ్య అతిథిగా హాజరయ్యారు.ఈ సందర్భంగా పాఠశాలల యాజమానులు ఎమ్మెల్యే వెడ్మ బొజ్జు పటేల్ ను శాలువాతో సత్కరించారు.అనంతరం ఎమ్మెల్యే మాట్లాడుతూ.రాష్ట్ర ప్రభుత్వం విద్యార్థులకు మెరుగైన విద్యను అందించేందుకు కృషి చేస్తుందన్నారు.ఆంగ్ల మాధ్యమంలో విద్యను బోధించడం జరుగుతుందని తెలిపారు.ప్రవేటు పాఠశాల యాజమాన్యాలు-ఉపాధ్యాయులు విద్యార్థులకు అన్ని వసతులు కల్పించాలని,నాణ్యమైన విద్యను అందించాలన్నారు.ప్రవేట్ పాఠశాలల యాజమాన్యం ఎదుర్కొంటున్న సమస్యలను లిఖిత పూర్వకంగా రాసిస్తే సీఎం రేవంత్ రెడ్డి దృష్టికి తీసుకెళ్లి ఆ సమస్యల పరిష్కారం కోసం కృషి చేస్తానని తెలిపారు.అనంతరం ప్రవేటు పాఠశాలల యాజమాన్యాలతో కలసి మండల విద్యాధికారులను శాలువాతో సత్కరించారు. కార్యక్రమంలో మండల విద్యాధికారులు, ప్రైవేట్ పాఠశాలల యాజమాన్యాలు, ఉపాధ్యాయులు తదితరులు పాల్గొన్నారు.