సిరా న్యూస్, ఆదిలాబాద్‌:
కొలాం ఆశ్రమ పాఠశాల ఆకస్మిక తనిఖీ…
+ సమస్యలు అడిగి తెల్సుకున్న ఎమ్మెల్యే పాయల్‌ శంకర్‌
+ విద్యార్థులతో కలిసి భోజనం
అదిలాబాద్‌ ఎమ్మెలే పాయల్‌ శంకర్‌ ఆదిలాబాద్‌ జిల్లా కేంద్రంలోని కొలాం ఆశ్రమ పాఠశాలను బుధవారం ఉదయం ఆకస్మికంగా తనిఖీ చేసారు. ఈ సందర్భంగా విద్యార్థులతో మాట్లాడి వారి సమస్యలు అడిగి తెల్సుకున్నారు. మెను ప్రకారం భోజనం పెడుతున్నారా? లేదా? అని ఆరా తీశారు. అనంతరం విద్యార్థులతో కలిసి అక్కడే భోజనం చేసారు. బ్లాంకెట్‌లు లేవని విద్యార్థులు చెప్పగా, ఇంకా ఎందుకు పంపిణీ చేయలేదని వార్డెన్‌ను ప్రశ్నించారు. కాగా ప్రభుత్వం నుండి కొత్త బ్లాంకెట్‌లు రాలేదని ఆయన ఎమ్మెల్యేకు విన్నవించారు. చలి తీవ్రత ఎక్కువగా ఉన్నందున, స్నానానికి ద్యార్థులకు వేడి నీటి సౌకర్యం కల్పించాలని ఆదేశించారు. అనంతరం ఆశ్రమ పాఠశాలలో నెలకొని ఉన్న సమస్యల గురించి, జిల్లా ఇంచార్జీ మంత్రి సీతక్కతో ఫోన్‌లో మాట్లాడారు. సమస్యల పరిష్కారానికి అవసరమైన నిధులు మంజూరు చేయాలని కోరారు.
