సిరా న్యూస్, బేల:
ఘనంగా మోతిజీ మహారాజ్ పుణ్యతిథి వేడుకలు
ఆదిలాబాద్ జిల్లా బేల మండలం సాంగ్డి గ్రామంలో ప్రముఖ ఆధ్యాత్మిక గురువు మోతీజి మహారాజ్ పుణ్యతిథి వేడుకలను ఘనంగా నిర్వహించారు. సోమవారం ఈ మేరకు గ్రామంలో భక్తులు అత్యంత భక్తి శ్రద్ధలతో ప్రత్యేక పూజాది కార్యక్రమాలు గావించారు. గ్రామస్తులు నెత్తిపై కలశలతో గ్రామంలోని ప్రధాన వీధుల గుండా శోభాయాత్ర నిర్వహించారు. అనంతరం తుక్డోజీ మహారాజ్ ఆశ్రమంలో పూజలు నిర్వహించారు. ఈ సందర్భంగా గీతా పారాయణం గావించి, ఆధ్యాత్మిక ప్రవచనాలు చేశారు. అనంతరం పుణ్యతిథి నిర్వాహకులు మాట్లాడుతూ… మోతీజీ మహారాజ్ 26 వ పుణ్యతిథి వేడుకలను వారం రోజులపాటు నిర్వహిస్తున్నట్లు తెలిపారు. భక్తులంతా పెద్ద ఎత్తున విచ్చేసి మహారాజ్ కృపకు పాతృలు కావాలని కోరారు. ఈ కార్యక్రమంలో మహారాజ్ శిష్యులు సునీల్, ప్రభాకర్, భగవాన్ రెడ్డి, జిట్టా వెంకటరెడ్డి, అనిల్, భూమా రెడ్డి, దయాకర్ రెడ్డి, టి సంజయ్, బెదోడ్కర్ శివాజీ, మధుకర్, గురుదేవసేవ మండలి భక్తులు, తదితరులు పాల్గొన్నారు.