సిరా న్యూస్, చిగురుమామిడి:
మూడోసారి ప్రధానమంత్రి గా నరేంద్ర మోడీని గెలిపించాలి
– ఎంపీ బండి సంజయ్
మూడోసారి ప్రధానమంత్రి గా నరేంద్ర మోడీని గెలిపించాలని బీజేపీ జాతీయ ప్రధాన కార్యదర్శి, కరీంనగర్ పార్లమెంట్ సభ్యులు బండి సంజయ్ కుమార్ పిలుపునిచ్చారు. సోమవారం కరీంనగర్ జిల్లా చిగురుమామిడి మండలంలోని ఇందుర్తి, చిన్న ముల్కనూర్, చిగురుమామిడి, రేకొండ, బొమ్మనపల్లి తదితర గ్రామాల్లో మలివిడత ప్రజాహిత యాత్ర నిర్వహించారు. ఈ సదర్భంగా బీజేపీ నాయకులు గజమాలతో ఎంపీకి ఘన స్వాగతం పలికారు. అనంతరం ఆయన మండల కేంద్రంలోని అంబేడ్కర్ విగ్రహానికి పూలమాల వేశారు. ఈ సంద్భంగా ఆయన మాట్లాడుతూ… రాష్ట్ర ప్రజల సమస్యల పరిష్కారం కోసం 150 రోజుల 1600 కిలో మీటర్ల పాదయాత్ర చేసినట్లు తెలిపారు. చిగురుమామిడి అభివృద్ధికి కేంద్ర ప్రభుత్వం నుండి అత్యధిక నిధులు మంజూరు చేసి, ఎన్నో కార్యక్రమాలు చేపటినట్లు తెలిపారు. కరోనా సమయంలో ఫ్రీ వ్యాక్సిన్ దేశ ప్రజలకు అందించమని అన్నారు. కాంగ్రెస్స్ ప్రభుత్వం 100 రోజుల్లో ఆరు గ్యారంటిలు ఎందుకు అమలు చెయ్యా లేదని ప్రశ్నించారు. కేంద్ర ప్రభుత్వ ఆధ్వర్యంలో 2.40 లక్షల ఇండ్లు, 80 లక్షల మందికి ఉచిత బియ్యం అందించామన్నారు. అయోధ్యలో రామాలయ మందిరాన్ని కట్టి, రాముడికి ప్రాణ ప్రతిష్ట చేసిన ఘనత నరేంద్ర మోడీనీ ప్రజలంతా మళ్లీ ప్రధాన మంత్రిని చేయడం ఖాయమన్నారు. రామ మందిర ఆలయానికి వ్యతిరేకమైన పార్టీలతో కాంగ్రెస్స్ పార్టీ పొత్తుపోట్టుకుందని అన్నాను, అలాంటి పార్టికి రానున్న ఎన్నికల్లో బుద్ధి చెప్పాలన్నారు. తాను ఎంపీగా కేంద్రం నుండి నిధులు తీసుకువచ్చి కరీంనగర్ ను అభివృద్ధి చేశానని అన్నారు. పార్లమెంట్ ఎన్నికల్లో ప్రతి ఒక్కరూ కమలం పువ్వు గుర్తుకు ఓటు వేసి భారీ మెజార్టీతో గెలిపించాలని కోరారు. ఈ కార్యక్రమంలో మండల ప్రధాన కార్యదర్శి పైడిపెల్లి శ్రీనివాస్, నాయకులు పోలోజు సంతోష్, కోమటి రెడ్డి రామ్ గోపాల్ రెడ్డి, బొమ్మ శ్రీ రామ్ చక్రవర్తి, పొన్నం శ్రీనివాస్, కంది శంకర్, మామిడి రమేశ్, బంది సందీప్, రమాకాంత్ రెడ్డి, మండల కార్యకర్తలు పాల్గొన్నారు.
